Arratsaldeon,
Gaur gure lehenengo egunean zenbait ekintza egin ditugu. Hasteko instalazioak ezagutu eta logelak banatu ditugu. Ondoren, umeak elkar ezagutzeko jolasak gauzatu ditugu euren artean giro ona sor dadin.
Bazkalostean eta denbora libre pixka bat izan ostean denak elkarrekin Sukarrietako ingurua ezagutzera abiatu gara.
Eguraldia bikaina irten denez, hondartza ikustera joan gara, bertan bi jolas egin ditugu eta aterpetxera bueltan bertako igerilekuan bainotxo bat hartzera joan gara.
Gauean, afalostean ginkana moduko gaubela bat prestatu dugu eta gero laster ohera, egun gogorra izan da eta.
Jarraian gaurko egunean ateratako argazki eta bideo batzuk uzten dizkizuegu.
Bihar arte.
Gaztetxo eskolako zuzendaria eta begirale taldea.
